Тарихий-маданий обидалар

Эргаш Жуманбулбул ўғли номидаги ҳалқ музейи 

  

Ўзбек халқ оқини Эргаш Жуманбулбул ўғли 1868 йил туғилиб 1937 йил вафот этган.

Ўзбек халқ оқини бахши шоир Эргаш Жуманбулбул ўғлининг  ижоди бой ва ранг-баранг бўлган. У “Кунтуғмиш”, “Якка Ахмад”, “Алибек билан Болбек”, “Далли”, “Равшан”, “Қундуз билан Юлдуз”, “Хуш келдинг”, “Ходорхон”, “Қизжибек”, “Гўрўғлининг туғилиши ва болалиги”, “Хасанхон”, “Авазхон”, “Авазнинг Фарангга сафари”, “Нурали”, “Хиромон”, “Алпомиш”, “Юсуф билан Ахмад”, “Тулумбий”, “Қиронхон”, “Қумри”, “Ошиқ ғариб”, “Вомиқ билан Узро”, “Варақ билан Гулшоҳ”, “Махтумқули” каби кўплаб достон ва термаларини ёд билган.

Бахши шоир мероси хозирга қадар кенг ўрганилмоқда.

Эргаш Жуманбулбул ўғли уй музейи 1978 йилда  бахши шоир Эргаш Жуманбулбул ўғли таваллудининг 100 йиллиги муносабати билан ташкил этилган. Музейга 1986 йилда Эргаш Жуманбулбул халқ музейи унвони  берилган. Туман маданият бўлими тасарруфида бўлган Эргаш Жуманбулбул ўғли халқ музейи «Музейлар тўғрисида»ги Қонуни асосида фаолият кўрсатмоқда. 

 

Хотира майдони 

  Қўшработ шаҳарчасининг марказида  Намуна маҳалласидаги Қўшчинор кўчасида 2020 йил – Хотира майдони янгитдан бунёд этилди.  9 май куни очилган қадди дол Мотамсаро она сиймоси пойига битилган: “Хотира бор экан, тирикдир миллат, тирикдир ифтихор, тирикдир ғурур!” – деган сўзларнинг инсонийлигини, самимийлигини ўйлаб, бир юракдан ҳис этиб кўрайлик. Ҳалок бўлган тирик жон кимнингдир жигарпораси, демак, шу Ватаннинг фарзанди-ку! Ҳар бирининг ортидан қанча одам қон йиғлаб қолди. Умрининг сўнгги лаҳзасига қадар кўзларида ёши қуримай, ўғлини – жигарпорасини кутиб ўтган қанчадан-қанча мотамсаро она бор эди. Даҳшатли урушда ҳалок бўлган отажонини кўрмаган, унга, лоақал, бир бора бўлсин: “Дадажон!” – деб мурожаат қилолмай яшаётганлар – қанча.

     Майдонда замонавий архитектура ва меъморлик анъаналарини мужассам этган кенг айвон барпо этилиб, альюминийдан тайёрланган махсус китоблар ўрнатилди. Ушбу китобларга Иккинчи жаҳон уруши ва урушдан сўнг ҳалок бўлган 986 нафар Қўшработликларнинг исм-фамилияси зарҳал ҳарфлар билан битилган. Ҳалок бўлганларнинг ҳар бири Ватан учун жанг қилиб халқимиз тинчлиги йўлида ўзларининг жонини фидо қилганлар. Улар шу юртнинг фарзандлари эди. Уларни ёддан чиқаришга ҳеч биримизнинг ҳаққимиз йўқ.

Бу ерга зиёратга келган ҳар бир ватандошимиз, албатта, ўз жигари, ҳеч бўлмаганда, бирор қўшнисининг номига дуч келади. Беихтиёр, ўтганлар руҳига тиловату дуолар қилиб, юзига фотиҳа тортади...

Инсоният иккинчи жаҳон урушида қатнашган, бу аёвсиз жангу жадалда қаҳрамонларча ҳалок бўлганлар хотирасини асло унутмайди.

 

«Балиқчи ота” жомеъ масжиди

2015-2024 © Қўшработ туман ҳокимлиги. Сайт яратувчиси: SAKTRM