Махсус имкониятлар
Швейцариялик олимлар одамда коронавирусга қарши антитаналарни аниқлайдиган тестни ишлаб чиқдилар. У билан қон томчиси таҳлили орқали касалликка қарши антитаналар бор ёки йўқлиги билиб олиш мумкин. Бу ҳақда Лозанна федерал политехника мактаби маълум қилди.
«Антитаналарни текшириш «COVID 19» пандемиясини келтириб чиқарган «SARS-CoV2» вируси юқтиришни кузатишда кучли восита бўлиши мумкин», дейилади хабарда.
Таъкидланишича, битта таҳлил нархи 60 центга баҳоланмоқда. Олимлар аллақачон коронавирусга чалинган 155 кишининг қонини таҳлил қилган ва синов аниқлиги 98 фоизни ташкил этган.
