Bolalarga nisbatan zo‘ravonlikni yengish – barchamizning burchimiz.

Har bir bola muhabbatga, mehrga va himoyaga loyiq. Afsuski, zamonaviy jamiyatda hamon bolalarga nisbatan turli shakldagi zo‘ravonlik holatlari uchrab turibdi. Ayrim hollarda bu zo‘ravonlik jismoniy ko‘rinishda bo‘lsa, ba'zida esa ruhiy bosim, e'tiborsizlik, haqorat, yoki ekspluatatsiya shaklida namoyon bo‘ladi, Eng og‘ir jihati – bu holatlarning ko‘pi yashirincha sodir bo‘ladi va bolalar ko‘pincha yordam so‘rashga jur’at eta olmaydilar.

Zo‘ravonlik faqat bir oilaning muammosi emas – bu butun jamiyatning muammosi. Chunki har bir bolaga yetgan ozor – kelajakka tushgan qorong‘ulikdir. Bola o‘ziga nisbatan zo‘ravonlikni boshidan o‘tkazgan bo‘lsa, bu uning ruhiy salomatligiga, jamiyatga munosabatiga va hayotdagi muvaffaqiyatiga bevosita ta’sir qiladi.
Shunday ekan, zo‘ravonlikka qarshi kurashda ota-onalar, o‘qituvchilar, qo‘shnilar, hamjamiyat va, albatta, davlat organlari hamjihat bo‘lishimiz zarur.

Bolalarga nisbatan zo‘ravonlik – bu jim turganlar davrida kuchayadigan illatdir. Har birimiz ogoh bo‘lishimiz, bolaning holatiga befarq bo‘lmasligimiz, ularning baxtli va xavfsiz hayoti uchun mas'uliyatni bo‘lishishimiz kerak, Chunki bola – jamiyatning ertangi kuni, Ularning sog‘lom, mehrga to‘la hayoti esa, bugungi harakatlarimizga bog‘liq.

Zo‘ravonlikka qarshi kurashish  faqat qonuniy majburiyat emas, bu insoniy burchdir!

O‘.Sindarov,

Qo‘shrabot tumani “Inson” ijtimoiy xizmatlar markazi Bolalarni ijtimoiy himoya qilish shu’basi mudiri.