KAMBAGʻAL OILALARDAGI BOGʻCHAGA BORAYOTGAN BOLALAR UCHUN ULAR 3 YOSHGA TO‘LGUNIGA QADAR HAR OY 618 000 SO‘M MIQDORIDA MODDIY YORDAM BERILADI

Hukumatning 2025-yil 2-avgustdagi 488-sonli qaroriga ko‘ra, davlat tomonidan kambag‘al oilalarga maxsus moddiy yordam puli to‘lab beriladi.

Bu quyidagi shartlarga mos keladigan fuqarolarga tegishli: 
▪️Oila Kambag‘allar reyestrida bo‘lishi shart;
▪️Bolaning ota yoki onasi yagona bo‘lishi (masalan, farzand faqat onasi bilan yashaydi);
▪️Bu yagona ota/ona rasman ishga joylashgan bo‘lishi kerak (daftariga ish joyi tushgan bo‘lishi shart);
▪️Farzand maktabgacha ta’lim muassasasiga (bog‘chaga) qatnayotgan bo‘lishi kerak;
▪️Farzand 3 yoshga to‘lmagan bo‘lishi kerak(agar egizak bo‘lsa ikkalasiga ham beriladi).
Agar shu talablar to‘liq bajarilgan bo‘lsa, davlat tomonidan har oy 618 000 moddiy yordam to‘lab beriladi.

Moddiy yordam olish tartibi: 
▪️my.gov.uz portali orqali elektron ariza berish mumkin;
▪️Yoki “Inson” markaziga shaxsan borib ariza topshirish mumkin.

Arizada quyidagi hujjatlar bo‘lishi kerak: 
▪️Qonuniy vakilning ID-kartasi ma’lumotlari;
▪️Farzandning tug‘ilganlik guvohnomasi ma’lumotlari;
▪️Mobil telefon raqami;
▪️Xalq bankida ochilgan ijtimoiy karta raqami (karta ochish shart!).

Moddiy yordam quyidagi tartibda to‘lanadi: 
▪️Ariza bergandan so‘ng davlat organlari farzand bog‘chaga qatnayotganini va boshqa shartlarni avtomatik tekshiradi.
▪️Shartlar to‘g‘ri bo‘lsa, har oyda Xalq banki orqali ijtimoiy kartaga 618 000 so‘m tushirib beriladi.

 Moddiy yordam berish quyidagi hollarda to‘xtatiladi: 
▪️Agar bolangiz 3 yoshga to‘lsa;
▪️Oila kambag‘allar ro‘yxatidan chiqarilsa;
▪️Ota/ona ishdan bo‘shasa;
▪️Bolani bog‘chadan chiqarishsa;
▪️Oila mamlakatdan tashqariga doimiy yashashga ketsa;
▪️Qonuniy vakil talablarni bajarmasa.

Farxod Usmonov,
O‘zbekiston Respublikasi Prezidenti huzuridagi Ijtimoiy himoya milliy agentligining Samarqand viloyati Qo‘shrabot tumanidagi “Inson” ijtimoiy xizmatlar markazi Ijtimoiy to‘lovlar sho‘basi mudiri.