Қўшработ туман ёшларининг спорт соҳасида эришган ютуқлари сарҳисоби юзасидан матбуот анжумани

Қўшработ туман ёшларининг спорт соҳасида эришган ютуқлари сарҳисоби тўғрисида

МАЪЛУМОТ

Ҳозирги кунда туманимизда спорт билан мунтазам шуғулланиш учун жами 293 та спорт иншоотлари мавжуд бўлиб ушбу спорт иншоотларида 7090 нафар ёшларимиз спортнинг 20 та тури билан мунтазам шуғулланиб келишмоқда, шундан 2867 нафари қизлар.

Туманда ўтган  2021 йил ва жорий йилнинг икки ойи мобайнида жами 510 та турли спорт мусобақалари ва оммавий спорт тадбирлар ўтказилди. Жумладан; 1 таЎзбекистон чемпионати, 3 таси вилоят биринчиликлари, 102 таси оммавий спорт тадбирлари, 154 таси туман чемпионатлари вабиринчиликлари, 26та“Ҳоким”, “Прокурор”,“ИИБ бошлиғи”, ва “Солиқ раҳбари”кубоклари, 124 таси спорт тадбирлари ўтказилди.

Ўтказилган спорт тадбирларига 65 мингдан ортиқ  иштирокчилар қатнашди. Шундан 25 минг  нафари хотин-қизлардир.

Ўтказилган туман чемпионатлари ва биринчиликлари ғолиб ва совриндорлари халқаро мусобақалар, республика чемпионатлари, вилоят чемпионат ва биринчиликларида ҳам муносиб иштирок этишди. Мисол учун Спортнинг армрестлинг турида Қўшработ туман болалар ўсмирлар спорт мактаби тарбияланувчиси Зиядуллаева Гулсевар 2021 йил 24-ноябр 3-декабрь кунлари Руминиянинг Бухарест шаҳрида бўлиб ўтган жаҳон чемпионатида биринчи ўринни;

Спортнинг анъанавий каратэ-до тури бўйича 2021 йил 20-22 ноябрь кунлар Тошкент шаҳрида бўлиб ўтган Осиё чемпионатида туманимиз спортчилари Қамариддинов Ҳабибуллоҳ биринчи ўринни, Улуғбекова Саодат учинчи ўринни эгаллашдилар;

Cпортнинг волейбол тури бўйича 4-умумтаълим мактаби жамоаси “Ёшлик спорт жамоаси” ушбу мусобақанинг вилоят босқичида фахрли биринчи ўринни эгаллаб, 26-31-август кунлари Фарғона шаҳрида ўтказилган Респиулика босқичида иштирок этишди ва фаҳрли 3-ўринни эгаллашдилар;

Ушбу тур бўйича яна қизларимиз Эргашева Гўзал,Рўзимуродова Маржона, Абдусодиқова Ҳулкар, Тошқувватова Сарвиноз, 2021 йил 4-10 ноябр кунлари Наманган шаҳрида  2005-2008-йилларда туғилган ўсмирлар ўртасида ўтказилган Ўзбекистон чемпионати 3-ўринни эгаллашдилар;

Яна спортнинг армрестлинг тури бўйича 2021йил 24-27 март кунлари Жиззах шаҳрида бўлиб ўтган Ўзбекистон чемпионатида спортчи қизларимиз Зиёдуллаева Гулсевар, Жалолова Гулниса, Абдусаматова Жасмина, Нарзуллаева Гулсанам ва Нарзуллаева Ҳилолалар биринчи ўринни, Хушвақтова Муҳлиса, Рахматова Адиба, Усанова Моҳинур, Шукурова Севинч, Хайруллаева Меҳрибон, Абдулазизова Фарзоналар иккинчи ўринни; Эгамбердиева Адиба, Саидқулова Гулсанам, Ҳушвақтова Дурдона, Мирзақулова Нафиса, Атақулова Чарос, Абдукаримова Ҳадича, Бахтиёрова Севинч, Шукурова Лайло ва Ибрагимова Чарослар учинчи ўринни эгаллашдилар.

Ушбу тур бўйича 2022 йил 15-18февраль кунлари Самарқанд вилоятида бўлиб ўтган Ўзбекистон чемпионатида туманимиз спортчилари Атақулова Чарос, Шукурова Севинч, Зиёдуллаева Гулсанам ва Абдулазизова Фарзоналар биринчи ўринни; Злбекова Зарина иккинчи ўринни қўлга киритишди.

Спортнинг ояма киокушинкай кан карате-до тури бўйича 2021 йил 9-10декабрь кунлари Самарқанд шаҳрида бўлиб ўтган Ўзбекистон чемпионатида спортчиларимиз  Абдурахимов Шамшод ва Абдуқаххорова Эъзозалар, биринчи ўринни; Хусанов Жавоҳир иккинчи ўринни; Шавкатов Диёрбек ва Шамиева Дурдоналар учинчи ўринни қўлга киритиб туманимиз шарафини ҳимоя қилишди.

2022 йилдаям  режаларимиз катта режа асосида ўтказилиш мўлжалланган мусобоқаларга тренер ва спортчиларимиз қизғин тайёргарлик кўришмоқда.

2015-2024 © Қўшработ туман ҳокимлиги. Сайт яратувчиси: SAKTRM