Qo‘shrabot tumanida qishloq va mahallalarda infratuzilma bilan bog‘liq eng dolzarb masalalarni tizimli hal etish, shu asosda aholi uchun munosib turmush sharoitlarini yaratishga alohida e’tibor qaratilmoqda.

Xususan, ayni vaqtda tumanimizning Yuqori Jo‘sh mahallasidagi mavjud 0,4 km ichki yo‘llarga ham asfalt qoplamasi yotqizilmoqda. Hudud aholisi yo‘llari ravon bo‘layotganligidan behad mamnun.

Olis qishloqlarimiz ham obod bo‘layotgani xalqimizning ertangi kunga ishonchini oshirmoqda.

Aholiga qulay shart-sharoit yaratish va mahalla infratuzilmasini yaxshilash maqsadida ayni kunlarda tumanimizning "Ozod" MFY Qoratosh qishlog'i hududida ham ichki tuproq yo'llari tekislanib, qum-shag'al to'kish ishlari yakunlanib foydalanishga topshirildi.

Hozirgi vaqtda "Ozod" MFY Namuna guzarida ishlar jadal olib borilmoqda.

Ushbu mahallada jami 10 km ichki tuproq yo'llarni shag'allashtirish rejalashtirilgan bo'lib ayni vaqtda 6 km yo'lga qum-shag'al to'kish ishlari olib borildi.
Bu kabi ishlar ko'lami keng.

Bu yil tumanimizda 1608 nafar o'quvchi yoshlar maktablarni bitirib mustaqil hayotga qadam qo'ymoqda. 

Ular orasida iqtidorli, bilimdon va ilg'or yoshlar ham anchani tashkil etadi. Birgina misol tariqasida ushbu yil maktab bitiruvchilarning 26 nafari, ya'ni 19 nafari oltin hamda 7 nafari kumush mеdallari bilan tamomladi. 

Bundan tashqari tumanda 15 nafar o'quvchilar muddatidan oldin oliy ta'lim muassasalari talabasiga aylandi.

Qo'shrabot tumani hokimligi axborot xizmati

Joriy yilning 21-iyun kuni tuman hokimi, 1-sektor rahbari D.Shakarboyev hamda tumandagi korxona va tashkilot rahbarlari ishtirokida "Zarmitan" MFY hududida joylashgan 34-maktabda navbatdagi sayyor qabul o'tkazilib, aholini qiynab kelayotgan muammolari tinglandi.

Qabul davomida asosan elektr energiya, moddiy yordam olish, ichki ko'chalarni asfaltlashtirish, ichimlik suvi, gaz balloni olishda amaliy yordam, ishga joylashish va shu kabi 16 nafar fuqarodan 19 ta murojaatlar kelib tushdi. 

Qo‘shrabot tumanida 50 ta ko‘p kvartirali uy-joylar mavjud bo‘lib, NKMKga qarashli 21 ta uy 320 ta xonadonli ko‘p kvartirali turar joy binolariga “Zarmitan maydoni Uy-joy kommunal xizmat ko‘rsatish bo‘limi” xizmat ko‘rsatadi. BSKga qarashli 22 ta uy 272 ta xonadonga xizmat ko‘rsatadi.